Pas dy muaj investimesh, me një vlerë prej 9 milionë lekësh ka përfunduar me sukses rikonstruksioni i Kopshtit 56, në periferi të Tiranës. Investimi i Bashkisë së Tiranës në kopshtin e ndodhur në rrugën ”Shemsi Haka” përfshin vendosjen e një sistemi të ri të ngrohjes qëndrore, ndërhyrje në mjediset sanitare, krijimin e hapësirave çlodhëse, edukuese dhe këndeve të lojrave, si dhe rikonceptimin e fasadës së objektit.