Rama: Projektet e Winy Maas, pika referimi e modele të konceptimit bashkëkohor

Këshilli i Rregullimit të Territorit të Tiranës në mbledhjen e tij të posaçme, e konsideruar njëkohësisht si një ngjarje për kryeqytetin nga Kryetari i Bashkisë Edi Rama, shqyrtoi aprovimin zyrtar të projekt - idesë së Qendrës së Tiranës si edhe dy projekt - ide, të prezantuara nga njëri prej arkitektëve më interesantë dhe të rëndësishëm europianë Winy Maas, i njohur për mjeshtërinë e treguar dhe punën mjaft pozitive për kryeqytetin.

Për vetë rëndësinë publike të mbledhjes, gjatë prezantimit të arkitektit Winy Maas ishin ftuar edhe studentë të Fakultetit të Arkitekturës, arkitektë që punojnë sot në qytetin tonë dhe që kontribuojnë për zhvillimin e kryeqytetit si dhe ndërtues që kanë një rol të rëndësishëm në këtë zhvillim.