Rama dhe Mesiç vlerësojnë kontributin e çmuar dhe miqësinë mes dy vendeve

Rruga “Milan Shuflai”, do të jetë rruga më e re e pagëzuar në nder të albanologut të shquar kroat. Shuflai është konsideruar si një nga personalitetet më të mëdhenj të shkencës dhe albanologjisë dhe përfaqësuesi më dinjitoz për periudhën mesjetare. Gjatë ceremonisë së emërtimit të rrugës e cila ndohet pranë ish. Ambasadës Jugosllave dhe që mori shkas nga vizita dy ditore e presidentit të Kroacisë Z.Stipe Mesiç, Kryetari i Bashkisë së Tiranës Edi Rama së bashku me presidentin kroat, i shoqëruar gjithashtu edhe nga kryetari i Këshillit Bashkiak të Tiranës, Z.Sokol Dervishaj, vlerësoi kontributin e albanologut të njohur dhe ndër të tjera u shpreh se: “Pagëzojmë këtë rrugë të vjetër të kryeqytetit me emrin e një njeriu që ka dhënë një kontribut të çmuar për kulturën dhe njëkohësisht edhe për historinë tonë sot, si shqiptarë. Ky njeri është Milan Shuflai i cili jetoi në kapërcyellin mes shekullit 19-të dhe 20-të.