Bashkia e Tiranës në bashkëpunim me Qendrën “EDEN” si dhe me mbështetjen e Ambasadës Amerikane e të ProCredit Bank, në vijim të traditës së kremtimit të “Ditës ndërkombëtare të Tokës” organizuan inagurimin e Qendrës Informative Mjedisore “EDEN” dhe promovimin e materialeve didaktike për edukimin mjedisor.

22 Prilli u shpall rreth 35 vjet më parë, nga senatori amerikan Gayrold Nelson si “Dita e Tokës” dhe që  atëherë, kjo ditë kremtohet jo vetëm në Shtetet e Bashkuara të Amerikës por edhe në shumë vende të tjera të botës. Tashmë prej disa vitesh, kjo ditë kremtohet edhe në Shqipëri duke synuar të promovojë 22 Prillin - Ditën Ndërkombëtare të Tokës dhe vlerat e përfitimet që ajo na jep.