Rama-Whittle: Ky projekt do të përmirësojë cilësinë e jetës sociale në shkollat e kryeqytetit

Bashkia e Tiranës në kuadër të programeve sociale dhe edukuese, me qëllim sigurimin e ambjenteve bashkëkohore për fëmijët dhe të rinjtë e qytetit zgjeron hapësirat e bashkëpunimit me një ndër institucionet më në zë bankare “Raiffeisen Bank”.

Kryetari i Bashkisë së Tiranës Z. Edi Rama firmosi në zyrën e tij, Memorandumin e bashkëpunimit me Drejtorin Ekzekutiv të “Raiffeisen Bank” Z. Oliver J.Whittle, për realizimin e projektit të përbashkët “Partneriteti publik - privat për zhvillimin e komunitetit”.