Kryetari i Bashkisë së Tiranës Z. Edi Rama priti në një vizitë Ministren e Punëve të Jashtme të Greqisë, Znj.Dora Bakojani dhe i dhuroi asaj në mënyrë simbolike “Çelësin e Qytetit”. Ministrja Bakojani vuri theksin në miqësinë mes dy vendeve duke përcjellë përkrahjen dhe ndihmën e vendit fqinj, për kapërcimin e tragjedisë së Gërdecit. Kryebashkiaku Rama vlerësoi vizitën e Ministres së Jashtme greke, të cilën ai e cilësoi “një mike e Shqipërisë”, duke e falenderuar për solidaritetin dhe ndihmën e vendit të saj në këto ditë të vështira.