Arben Imami ka shpallur, gjatë një konference shtypi në selinë e PD, se do të kandidojë për postet më të larta në Partinë Demokratike, në kuadër të ristrukturimit të ardhshëm që pritet të zhvillohet në fund të marsit ose në fillim të muajit të ardhshëm.
Do të kandidoj për postet më të larta që do të hapen në këtë parti, pas idesë që të mos ketë një përputhje mes postit të ministrit dhe postit të sekretarit. Kjo garë do të tregojë emancipimin politik të PD-së dhe do t'i shërbejë këtij emancipimi, tha Imami, i cili aktualisht mban postin e shefit të kabinetit pranë Kryeministrit Sali Berisha.