Aeroporti i Rinasit ofron tani infrastrukurën më moderne në vend me një kapacitet prej një milion pasagjerë në vit. Pas një periudhe dy vjeçare pune, terminali i ri i Tirana International Airport (TIA) u përurua sot (21 mars 2007).

Konçensioneri i aeroportit për 20 vjet është konsorciumi Tirana Airport Partners, që zotërohet me shumicë nga dy kompani gjermane. Nënshkrimi i kontratës së konçensionit me qeverinë shqiptare u bë në vjeshtën e vitit 2004 në Berlin, ku merrnin pjesë edhe krerët e qeverive të asaj kohe nga të dyja palët, përkatësisht, Gerhard Shrëder dhe Fatos Nano.