Ura "Dëshmorët e 4 Shkurtit"

Drejtoria e Menaxhimit të Shërbimeve të Infrastrukturës ka kërkuar që projekti i “Urës mbi Lanë” në rrugën “Dëshmorët e 4 shkurtit” si dhe projekti i rrugës “Ismail Qemali” të rishikohen, kryesisht nga ana estetike. Kjo kërkesë është miratuar në mbledhjen e fundit të KRRT - së. Sipas kësaj drejtorie, këto dy projekte kanë pasur nevojë për disa ndryshime estetike e për këtë arsye u propozua ndryshimi i parapetit të urës nga parapet klasik ne parapet me funksion çlodhës për kalimtarët.