Marinarët e NATO-s kanë marrë udhëzimet përkatëse nga ana e eprorëve të tyre të Komandës. Por një nga porositë më të rrepta ishte per vajzat

Qyteti i Durrësit është mbushur me plot 1300 marinarë të NATO-s, të cilët kanë zbarkuar në port ditën e djeshme. Kontingjenti do të shkëmbejë eksperiencë me trupat tona ushtarake, por njëherazi do të vizitojnë edhe mjaft vende të qytetit, duke përfshirë si turizmin detar, ashtu edhe atë historik. Marinarët e NATO-s kanë marrë udhëzimet përkatëse nga ana e eprorëve të tyre të Komandës. Por një nga porositë më të rrepta ishte kujdesi i madh që ata duhej të tregonin nëpër rrugët e qytetit. Më e specifikuar, kjo do të thotë, se ushtarët e kanë të ndaluar rreptësishtë "t'u hedhin sytë" vajzave të qytetit bregdetar. Burime nga trupat tona ushtarake pohuan se përpara se të dalin nëpër rrugët e qytetit, marinarët e anijeve luftarake janë porositur që të mos ngacmojnë vajzat nëpër lokale dhe rrugë, pasi shqiptarët janë shumë të ndjeshëm dhe ka rrezik për ngjarje të jashtëzakonshme.