Deputeti i Partisë Socialiste, Marko Bello, sulmoi hapur, gjatë një prononcimi për mediat, qëndrimin e deputetëve të Grupit Parlamentar të cilët votuan pro ndryshimeve në kabinetin qeveritar.
Bello tha se ajo që ka ndodhur dje është një turp i Grupit Parlamentar të PS-së, ku të gjithë panë se si anëtarë të kryesisë së partisë, sekretarë të PS-së, deputetë me përvojë, dhe ata koordinatorë të rinj që Rama po i përzgjedh në kuadrin e reformës së partisë, votuan pro dhe hapur ministrave të kabinetit Berisha.