Nisën sot punimet për rikonstruksionin e godinës së administratës së ish-Uzinës Mekanike, godinë e cila pas kësaj do të shërbejë për zyra për Drejtorinë e Taksave dhe Tarifave Vendore, Drejtorinë e Regjistrimit të Bizneseve si edhe për Inspektoriatin e Policisë Bashkiake. Rindërtimi i kësaj ndërtese kërkon trajtimin tërësor të saj, si për sa i përket rifiniturave të jashtme e të brendshme, ashtu edhe për sa i përket strukturës mbajtëse dhe mbulesës ekzistuese.