Çerdhja Nr.10

Ka përfunduar tashmë rehabilitimi i 3 çerdheve në kryeqytet, përkatësisht Çerdheve Nr. 10, Nr. 35 dhe Nr. 8, si pjesë e prioriteteve që Bashkia e Tiranës ka për ofrimin e një shërbimi cilësor për mirërritjen, zhvillimin dhe edukimin e fëmijëve me fokus përmirësimin e infrastrukturës së çerdheve. Për rehabilitimin e këtyre tre çerdheve, Bashkia e Tiranës ka vënë në dispozicion një fond prej 62.438.788 lekësh nga të ardhurat e veta.