• Është hera e parë në këto vite pluralizëm që legjislativi shqiptar zhvillon një seancë të këtij lloji në nderim të deputeteve te vrare ne 1947

Parlamenti do të zhvillojë sot një seancë plenare përkujtimore në 60-vjetorin e ekzekutimit të një grupi deputetësh nga regjimi komunist më 1947. Është hera e parë në këto vite pluralizëm që legjislativi shqiptar zhvillon një seancë të këtij lloji në nderim të këtij grupi intelektualësh, që në mbrojtje të parimeve të demokracisë perëndimore sakrifikuan edhe jetën e tyre. Nënkryetari i grupit parlamentar të PS-së, Erion Braçe deklaroi dje se opozita nuk është vënë në dijeni për këtë nismë. “Ne thjesht jemi informuar për një seancë të tillë përkujtimore por nuk na ka vënë në dije kush se çfarë do të bëhet gjatë saj. Kontaktova edhe me drejtorin e seancave dhe as ai nuk më dha një përgjigje. Gjithsesi opozita konfirmon pjesëmarrjen e saj në këtë seancë plenare”, deklaroi ai për GSH-në.