Rama: Kapitull i ri sa i përket lëvizshmërisë në kryeqytet

Në vijim të strategjisë së Bashkisë së Tiranës për të ndërtuar një qytet të orientuar nga lëvizja jo me automjete private, por me transportin publik, në funksion të një zhvillimi që fokusohet në mbrojtjen e mjedisit, u prezantua në Bashkinë e Tiranës faza e fundit e strategjisë së transportit të qëndrueshëm, financuar nga BERZH (EBRD-Bank) e përgatitur nga konsulentë të huaj. Në prezantim u përfshinë edhe dy projekte të rëndësishme, studimi i Unazës së Vogël lidhur me gjetjet arkeologjike dhe projekti mbi zbatimin e sistemit të hyrjes me pagesë në qytet, për mjetet e tonazhit të lartë.

“Sheshi “Skënderbej” projekti ynë, Qeveria të zhbllokojë projektin për rindërtimit e Parkut të Liqenit”

Nënkryetari i Bashkisë Eduard Shalsi ka reaguar sot pas disa deklaratave të Kryeministrit Berisha gjatë mbledhjes së sotme të Qeverisë, lidhur me marrëveshjen e nënshkruar nga Bashkia e Tiranës dhe Qeveria Kuvajtjane për rivitalizimin e sheshit “Skënderbej”.

Rama: Kjo korsi do të jetë çdo vit e më e pranishme në rrugët e kryeqytetit

Unaza e brendshme është hallka më e rëndësishme në skemën e rrugëve të qytetit. E quajtur ndryshe dhe Unaza e Vogël, ajo është një zonë me trafik tejet të rënduar dhe për nga rëndësia që ka në qarkullimin rrugor, punimet në të u parashikuan të realizohen pjesë pjesë, duke lejuar njëkohësisht lëvizjen e trafikut gradualisht në pjesët e rikonstruktuara. Projekti i rrugës është hartuar duke u bazuar në Projektin Francez të Qendrës së Tiranës.

Kryetari i Bashkisë së Tiranës prezantoi gjatë përfundimit të punës në segmentin e parë të Unazës së Vogël, politikën e re të bashkisë së kryeqytetit për qarkullimin e konkretisht, domosdoshmërinë për të vlerësuar korsitë e transportit publik dhe për t’u dhënë mundësi qytetarëve që të kenë një alternativë të qëndrueshme dhe të besueshme tek transporti publik. Sipas Ramës, ideja është që në të gjithë Unazën e Vogël të ketë një korsi vetëm për autobusin, për biçikletat, për taksitë dhe ambulancat. “Kjo është një korsi që qytetarët do ta shikojnë çdo vit e më të pranishme në rrugët e kryeqytetit dhe kështu Tirana inkuadrohet në një politikë europiane të kufizimit të trafikut për makinat dhe të hapjes së trafikut për transportin publik, nëpërmjet mjeteve të këtij transporti. Këtë korsi ne e kemi filluar dhe tani funksionon tek rruga e Laprakës deri tek Zogu i Zi. Këtë korsi duam ta fusim dhe në Unazën e Tiranës“, (unaza ekzistuese) - u shpreh Rama.

Rama: Jam krenar që po ju japim fëmijëve një cilësi jete më të mirë

Tashmë kopshti Nr. 26 i cili ndodhet në rrugën “Kongresi i Lushnjës” është tërësisht i rikonstruktuar me ambjente të standarteve bashkëkohore falë një investimi prej rreth 15 milionë lekësh te reja nga të ardhurat e Bashkisë së Tiranës. Kryebashkiaku Edi Rama, i cili ishte i pranishëm në përfundimin e punimeve për rikonstruksionin e ambienteve të këtij kopshti, u shpreh për mediat se: “Në fakt planet janë si vizatimet e fëmijëve, por që të kthehen në vepra duhet punë dhe kohë e unë jam shumë krenar që falë punës dhe kohës që na kanë dhënë qytetarët, dita ditës ne po u japim atyre atë që kërkojnë, për të pasur një cilësi jete më të mirë, rrugë më të pastra e më të gjelbëra dhe mbi të gjitha kopshte, çerdhe e shkolla ku fëmijët e sotëm të jenë njësoj si shokët e shoqet e tyre në Europë dhe të përgatiten për të qenë qytetarët e Europës së nesërme”.