|
Shkruar nga Administrator
|
|
Wednesday, 27 February 2008 |
 Harta e investimeve të Bashkisë
Në datën 26 Shkurt, u zhvillua mbledhja e Këshillit të Rregullimit të Territorit të Tiranës. Në këtë mbledhje u miratuan një sërë projektesh të propozuara nga Bashkia e Tiranës, si dhe një numër i konsiderueshëm lejesh për shesh ndërtimi, leje ndërtimi dhe legalizimi të paraqitura nga qytetarë dhe subjekte të ndryshme. Gjithsej ishin 79 kërkesa, nga këto 15 projekte të drejtorive të Bashkisë së Tiranës, 34 sheshe ndërtimi të miratuara, 23 leje ndërtimi dhe pjesa tjetër legalizime të miratuara.
|
|
Lexoni ...
|
|
|
Shkruar nga Administrator
|
|
Tuesday, 26 February 2008 |
Konsulentë gjermanë për të zgjidhur lëvizshmërinë te Unaza e Vogël ku u zbuluan rrënojat e Kalasë së Tiranës  Nënkryetari i Bashkisë Eduard Shalsi
Nënkryetari i Bashkisë së Tiranës Eduard Shalsi tha sot se Bashkia po koordinon punën për të gjetur zgjidhjen më optimale, për sa i takon trafikut në pjesën e Unazës së Vogël ku u zbuluan rrënoja të reja nga Kalaja e Tiranës. Për këtë çështje janë thirrur edhe një grup konsulentësh gjermanë të trafikut të cilët synojnë t’i japin zgjidhje çështjes së lëvizshmërisë në këtë segment. Gjatë punimeve që po kryen Bashkia e Tiranës për rikonstruksionin e Unazës së Vogël u zbuluan disa mure rrethues dhe kulla të këtyre mureve, për të cilat ekspertët më të mirë, arkeologë, historianë etj, po punojnë për datimin dhe evidentimin e tyre. Në një komunikim me mediat, nënkryetari Shalsi u shpreh mes të tjerash:
|
|
Lexoni ...
|
|
|
Shkruar nga Administrator
|
|
Monday, 25 February 2008 |
 Gjatë prezantimit të Buxhetit 2008
Rama: Pas dëgjesave publike, ja prioritetet, programet dhe investimet e një buxheti të balancuar dhe transparent, në funksion të rritjes së cilësisë së jetës së kryeqytetasve Kryebashkiaku Edi Rama ka prezantuar sot përpara Këshillit Bashkiak Projekt-Buxhetin e vitit 2008. Ai u shpreh se për të ardhur deri në këtë buxhet është kaluar nëpër një proces të gjatë dhe intensiv të anketimit të qytetarëve dhe identifikimit të nevojave të tyre. Duke renditur prioritetet dhe programet sipas të cilave ndahen investimet e këtij buxheti, Rama u shpreh mes të tjerash përpara këshilltarëve bashkiakë: “Është kënaqësi që më jepet mundësia që të paraqes para jush një buxhet i cili besoj se përmbush një sërë nevojash dhe realizon një sërë objektivash që kanë të bëjnë me rritjen e cilësisë së jetës në komunitetet tona. Dua që të nënvizoj faktin që ky është një buxhet që është përgatitur me një proces dëgjesash publike që kemi organizuar në mënyrë intensive për një periudhë kohore disamujore dhe që realisht na kanë ndihmuar shumë për të përcaktuar ashtu si duhet prioritetet e ndërhyrjeve në çdo komunitet. Praktikisht janë zhvilluar 22 seanca publike, nga dy herë në secilën njësi bashkiake, me dy këndvështrime. Njëmbëdhjetë seancat e para kanë pasur si synim të listojnë të gjitha kërkesat, ankesat, shqetësimet e qytetarëve, ku sigurisht kemi mundur të kemi një pasqyrë të gjendjes ekzistuese në komunitete sipas këndvështrimit të qytetarëve, një pasqyrë të ndarë në probleme që i kemi zgjidhur menjëherë dhe që kanë qenë të karakterit administrativ apo të ndërhyrjeve të mundshme emergjente me ndërmarrjet tona, probleme që janë të natyrës që kërkojnë investime të konsiderueshme dhe ndër të cilat janë pasqyruar edhe në këtë buxhet.
|
|
Lexoni ...
|
|
|
Shkruar nga Administrator
|
|
Sunday, 24 February 2008 |
 Inspektim i rrënojave të Kalasë së Tiranës
Kryetari i Bashkisë së Tiranës Edi Rama është prononcuar sot në lidhje me faktin e zbulimit të themeleve të Kalasë së Tiranës ku është vënë re ekzistenca e tre kullave përbërëse të Kalasë, të cilat kanë dalë në pah gjatë punimeve që Bashkia e Tiranës po kryen për rikonstruksionin e Unazës së Vogël që përfshin segmentin nga rruga e Kavajës deri në rrugën “Luigj Gurakuqi”. Gjatë inspektimit, ku ishin të pranishëm edhe specialistë të Insitutit të Monumenteve të Kulturës, Kryebashkiaku Edi Rama theksoi se: “Prej disa ditësh jemi në kontakt me specialistë të Monumenteve të Kulturës lidhur me këtë ngjarje shumë të rëndësishme për historinë e kryeqytetit. Ne kemi sot përpara një fakt i cili është rrënqethës përsa i përket prejardhjes së Tiranës, të historisë së saj që me këtë zbulim ridimensionohet.
|
|
Lexoni ...
|
|
|
Shkruar nga Administrator
|
|
Wednesday, 20 February 2008 |
 Kryebashkiaku Edi Rama
Kryebashkiaku falënderon qytetarët për solidaritetin dhe festimet më 17 shkurt Kryebashkiaku i Tiranës Edi Rama do t’i kërkojë shumë shpejt Këshillit Bashkiak që ta shpallë 17 shkurtin, ditën e shpalljes së pavarësisë së Kosovës, një ditë feste për kryeqytetin. Duke falënderuar të gjithë ata qytetarë që morën pjesë ditën e diel në “Shëtitjen e Lirisë”, Rama u shpreh se Bashkia e Tiranës do t’i hapë rrugë partneritetit mes qyteteve të Shqipërisë dhe Kosovës, duke hapur kështu edhe një kapitull bashkëpunimi konkret me Prishtinën. Në një komunikim me mediat, kryebashkiaku Rama u shpreh ndër të tjera:“Dua të falenderoj qytetaret e qytetarët e Tiranës për shfaqjen e mrekullueshme të solidaritetit me Kosovën në “Shëtitjen e Lirisë” të së dielës së 17 shkurtit dhe dua të shpreh sot dëshirën që “Shëtitja e Lirisë” të kthehet në një traditë për kryeqytetin në çdo 17 shkurt, për vitet e për brezat e ardhshëm.
|
|
Lexoni ...
|
|
|
|
<< Fillim < E pėrparshme 1 2 3 4 5 6 7 8 E ardhshme > Fund >>
|
| Rezultatet 37 - 45 nga 65 |
Tirana
